Muyimbeleri wa vunanga bya vupfumeri na xigaza

Evidence Rirhandzu Maluleke i xiyimbeleri xa vunanga bya xigaza na vuyimbeleri bya vupfumeri loyi a tiviwaka hi vito ra Nwa-Guyu eka vunanga bya Xitsonga kasi eka vunanga bya vupfumeri Evidence Rirhandzu Maluleke. Hi tlhelo i mutlangi wa mintlangu laha a nga tlanga eka Vhaloi vhana tshituhu Vol. 02.

“Ndzi n’wana wa vunharhu eka sirha Bishop Elias Hlengani Maluleke na sirha Juffrou Elisah Tengisa Maluleke ka Shihanyi, ku vula xiyimbeleri lexi tirhaku hi matimba ku vona leswaku nyiko ya kwe yi humelela erivaleni.

Rirhandzu u tihlamusela tani hi munhu wo hleka na vanhu, wo rhandza misawu naku pfuna vanhu eka swo tala. U sungurile gondzo ra kwe hi lembe ra 2015 laha a nga hlangana na mintlhontlho yo hambana-hambana kutsa na ya swa timali.

Ku fika sweswo u na mune wa tialibamu, timbirhi eka vunanga bya Xitsonga, timbirhi eka vunanga bya vupfumeri. U rhandza swinene nyiko ya kwe ya vuyimbeleri, u vule leswaku eka nkarhi wa sweswi u languterile sagwadi ra ‘’best song of the year’’ ku suka eka Hlanganani FM

U yile emahlweni a kombisa leswaku u kote ku ti endlela ‘’fill-up’’ N’wa-vandzani liquor leyi nga tava kona hiti 28 March 2020 laha a nga langutela vanhu vo tala. Eka nkarhi wa sweswi u hlanganile na Team Shirimani laha a kuri milorho ya yena khale. Laha a kombisaka ku tsaka hikuva burisana na Dr va n’wi kombisa swo tala hi mayelana na swa vuyimbeleri.

Ku humelerisa vuyimbeleri bya yena u pfuniwile hi Dr Nhana na DJ Khwaya laha va nga tirha swin’we eka Vol 1, Vol 2 ya vunanga bya vupfumeri na Vol 1 ya vunanga bya Xitsonga kasi eka Vol. 2 u yi chaye ka Musa Ntshani laha a nga humesa mali kutani a ya ka Hangalasa a humesa mali laha a nga ya hetisa alibamu ya yena eka Mambawulela hiku endla vulavisisi ku nga ri na loyi a n’wi pfunaka. Yin’wani ya mintlhontlho leyi ndzi nga hlangana na yona i ku pfumeleka ka khaphani leyi nga navetisaku na ku hangalasa vunanga bya mina.

Rirhandzu tsundzuxa lava nga na nyiko ya vuyimbeleri leswaku ava tirhisa nyiko leyi hiku phamela vanhu swakudya swa tindleve swo xonga swonghasi.

Vanhu lava nga naku tsakela eka vunanga bya yena va nga ndzi kuma eka nomboro ya 0646732618/ 0762739285 kasi na le ka swiyenge swa mabulo ndza kumeka: WhatsApp na Facebook @ NwaGuyu ntombhi ya Vanwanati Evidence

Hi Dumisani Happy Maluleke