Pfukani Vatsonga Machanga Bulu No. 54-Sunguti 2020

1. Ku Xeweta:

Ndzi losa, Vukosi bya Vatsonga, swirho, Vaseketeri na Valandzeri va PVM. Ndzi tlhela ndzi mi amukela eka lembe ra magidimbirhi makumembirhi. Ndzi nga ka ndzi nga rivali ku khensa Muvumbi hilaha A hi hlayiseke ha kona eka mphensapmphesa ya ku hela ka lembe ra magidimbirhi khumekaye.

2. Tinhlengeletano ta Pfukani Vatsonga Machangana:
Nhlengeletano ya Sunguti ya Vurhangeri yi tava kona hi siku ra khumekaye hi awara ya n’we ninhlekanhi eJoni.
3. DTT/Digital Terrestrial Television:

A ku na hungu rintshwa eka xiyenge lexi, kambe hi ta ya emahlweni hi tsundzuxana.

Ku suka hi magidimbirhi na tsevu ku fika nanw’aka, hi ve na khume ra Vaholobye eka Ndzawulo ya Vuhlanganisi, kambe hinkwavo ka vona a va swikotanga ku hundzuluxa mahaxelo ya khale ku nga “Analog” ku ya eka mahaxelo ya ximanguvalawa ku nga “Digital” hi ririmi ra Vadyi va hlampfi.

A hi si twa ku cinca eka nkarhi lowuvekiweke wa Mawuwani nan’waka. Hi ta ku timangwa loko hi vona mavala.

4. Miletelodyondzo:

BDM: I nkomiso wa “Broadcasting Digital Migration” ku nga Vundzuluxi bya mahaxelo ku suka eka “Analog” ku ya eka “Digital”

5. A mi swi tiva ke?

Leswaku, matiko ya ntlhanu lama nga na tindzhawu to tala ta ndhaka emisaveni hinkwayo leti nga longoloxiwa hi UNESCO i, Italy hi 54, China 53, Spain 47, France na Germany ya ringana hi 44.

Laha Afrika-Dzonga hi na tindzhawu ta kaye ta ndhaka leti longoloxiweke hi UNESCO.

Hi fanele ku tirha hi matimba ku humesela erivaleni tindzhawu leti fanelaka ku tsarisiwa tanihi ta ndhaka, ngopfungopfu tindzhawu leti nga na matimu ya hina Vatsonga.
Tindzhawu ta ndhaka ti na nkoka, kutani matimu ya hina a ya hetisekanga loko hi pfumala tindzhawu leti.
Khanimamba

Related posts