I Xinjovo !!

Muntshwa wa ku tinyungubyisa hi ririmi ra yena Lencelot Ngoveni, u velekiwile hi lembe ra 1991-08-18 a Vuhehli, eGiyani. u tsale tsalwa hi ririmu ra manana leri thyiweke ku Xinjovo. Tsalwa leri ri simekiwe xifumo hiti 15 khotavuxika 2019, i tsalwa leri nga tsariwa leswaku rita dyondzisa vantshwa ku hanya vutomi bya risima hi masiku hinkwayo.

Ngobeni u vule leswaku tsalwa leri ri kongomisiwile eka vantshwa, laha a nga hlamusela leswaku tsalwa ri kombisa kahle leswaku loko u hanya vutomi byo hangalaka namuntlha mundzuku swi ta ku khela matluka vutomi byi phyama. U tlhela a vula leswaku tsalwa ra Xinjovo ri fuwile hi dyondzo na fuwo wa ririmi ra manana. I tsalwa leri nga tsariwa hi vurhonwani na vuhleli nkulu byo dzika bya Xitsonga xo vupfa.

Ngobeni u vule leswaku siku a nga kandziyisa buku a tsake bya mhunti emaveleni hinkokwalaho kaku norho wa yena wu hundzuke ntiyiso. Laha a nga kombisa leswaku ku va mutsari i mhaka yinkulu eka yena.

Xinjovo I tsalwa ro sungula ra muntshwa Ngobeni laha ringa kandziyisiwa eka Par excellence e Joni. Xinjovo i xitirhisiwa lexi pasaka tinhlampfi kambe eka tsalwa Xinjovo xitirhisiwe ku fananisa ntombi leyi ayi tirhisa makhinga ku kuma va xinuna tani hi leswi mi swi tivaku ku xinjovo xi lava beremusi kumbe nyama ku njovela tinhlampfi.

Ngoveni u ri u navela leswaku tsalwa ra yena ku nga dyondziwa hi rona eswikolweni ngopfu eka ntangha ya khume. Laha dyondzo ya tsalwa ku nga ku dyondzisa leswaku mahanyelo ya hina ya namuntlha ya nga hi onhela eka vumundzuku bya hina na swona hi fanele ku hanya hi vuxiya-xiya lebyi nkulu swinene.

Loko mi ri na ku tsakela eka tsalwa ra Xinjovo minga ti hlanganisa na Ngoveni eka nomboro ya 081 146 3307. Laha ‘mibukaka’ eka vona kutani va mitisela yona hikuva eka nkarhi wa sweswi ave se vana ndhawu leyi xavisaka buku ya vona. Ngobeni u heteleli hiku vula leswaku lava vanga ni ku navela ko tsala matsalwa ava tsali vaya emahlweni kambe va nga rivali ku tsala swilo leswi swi nga ni dyondzo. Laha a nga kombisa leswaku vahlayi va hlayela ku kuma dyondzo no tlhela va kuma vunyanyuri.

Mutsari: Maluleke Dumisani Happy