I NDLOPFU YA HINA

Vantshwa va Vatsonga vatirhi hi matimba ku ndlandlamuxa ririmu ra vona. I Ndlopfu Ya Hina i tsalwa ra nhlengelo ra vutlhokovetseri leri nga tsariweke hi vatsari lava nga torha ro hluvukiso ririmi kumbe rixaka hi ku angarhela.

I vutlhokovetseri lebyi byi khutazaka no chavelela kumbe ku dyondzisa ku tiyisela swiyimo swo hambanana. Tsala leri ri simekiwe xifumo musumbunuku wa vhiki leri hundzeke hiti 14 Nhlangula 2019, na swona rihlohlotela vantshwa kumbe vatsari lava nga ni vuswikoti byo tsala ku humela erivaleni.

I ndlopfu ya hina yi tsariwile hi Hlungwane M.A, Miyambo M.E, Mathebula V.L, Chauke J.C na Khosa M.P, laha vanga hlanganisiwa hi munkandziyisi wa ti buku yena tatana Magayisa T.P .Tani hi leswi vatsari va vutlhokovetseri va kalaku vona vate ntwanano i matimba kutani va hlangana va ri ni khikhi wo tsala tsalwa leri, laha swi nga va tekela nhweti na mavhiki mambirhi ku tsala tsalwa leri.

Veri matimba ya ngwenya i mati na vona hinkokwalaho ka ntwanano vakotile ku humelerisa tsalwa ra I NDLOPFU YA HINA. Tsalwa leri ari hlawuli ndluwa eka hove un’wana ni unwana loyi ari tsakelaka ku hlaya matsalwa a nga ri kuma eka tindhawu ta le Giyani, Malamulele na le joni. Loko milava vuxokoxoko hi xintalo minga ti hlanganisa na Mathebula V.L eka riqingo ra 079 307 0681.

Mathebula V.L u ri u rhandza ku tsundzuxa vatsari va tibuku kumbe lava navelaka ku tsala leswaku eka goza leri ra vutsari vanga tshuki va va na ku kanakana eku tsaleni ka vona, laha a nga tlhela a vula leswaku vafanele ku tsala vaya emahlweni ku kondza ku navela ka vona ku humelela na ku tlhela va humesela vuswikoti vona erivaleni. U yile emahlweni a vula leswaku hambi vanga hlangana na ku tikeriwa kwihi kumbe kwihi loko vakarhi vatsala vanga tshuki va veka penisele e hansi. Hikuva leyi i nyiko leyi vanga nyikiwa hi xikwembu hinkokwalaho vafanele ku yi tirhisa.

Mutsari Mathebula Landro u vule leswaku I NDLOPFU YA HINA i tsalwa ra vona ra madyondza na swona ava nga heleli eka rona va ha taya emahlweni vatsala manwani matsalwa. U tlhele a kombisa leswaku tani hi leswi hlayo ya vanhu lava hlayaku matsalwa yi nga le hansi vani ku tshemba leswaku tsalwa leri ra vona rita hlayiwa swinene na swona va na ku navela leswaku ri nga hlayiwa na le swikolweni kumbe ku dyondzisa vanhu eka mahanyelo lawa ya nga kona eka manguva lawa.

U yile emahlweni a vula leswaku va ni ku navela leswaku tsalwa leri ri nga ti kuma ri hangalakile na tiko hinkwaro ra Afrika Dzonga. Mathebula V.L u hetelela hiku vula leswaku hinkwaswo swa koteka kambe ntsena hiku pfuniwa hi matimba ya xikwembu na ku va wena n’winyi u va na khikhi eka mintirho ya wena.

MUTSARI; Maluleke Dumisani Happy