Pfukani Vatsonga Bulu No. 46 Mudyaxihi

1. Ku Xeweta:

Ndza mi losa hinkwenu eka n’hweti ya Mudyaxihi, leyi tiviwaka tani hi n’hweti ya tikonkulu Afrika, laha hi tlangelaka ntshuxeko wa tikonkulu Afrika hi siku ra makumembirhintlhanu lembe na lembe. Afrika a hi lontsongo exikarhi ka matiko ya misava.

2. Tinhlengeletano ta Pfukani Vatsonga Machangana:

Nhlengeletano ya Mudyaxihi ya Vurhangeri yi ta va kona hi siku ra khumen’we hi awara ya mbirhi na nhlekani ejoni.

3. DTT/Digital Terrestrial Television:

Ku na swo tala leswi endlekaka eka Ndzawulo ya Vuhlanganisi, kambe ndzi tsakela ku bula hi matimu ya Thelevhixini ya Afrika Dzonga, ku nga SABCTV. Hi siku ra 05 Mudyaxihi 1975 SABC va ringetile xihondzo xa thelevhixini eJoni. Vuhaxi bya tiko hinkwaro byi sungurile hi chanele yin’we hi siku ra 05 Sunguti 1976. Ku fika sweswi thelevhixini ya ha haxa hi “Analog” hi langutele vuhaxi bya DTT.

4. Miletelodyondzo:

A ku na hungu rintshwa eka xiyenge lexi, kambe ku dyondza na ku tsundzuxana a ku na makumu. SAARF: South African Audience Research Foundation. Nhlangano wu hlengeleta no humesa vuxokoxoko bya tinhlayo ta vayingiseri va Xiyanamoya, Thelevhixini na switirhisiwa swin’wani swa Vuhlanganisi. Vuxokoxoko lebyi byi pfuna ku twisisa nkoka wa switirhisiwa leswi, laha swi tirhisiwaka ha kona, hambi kuri hi laha swi nga antswisiwaka ha kona.

5. A mi swi tiva ke?

Leswaku hi siku ra 05 Mudyaxihi lembe na lembe, hi lemukisiwa hi Siku ra Mindyangu Emisaveni Hinkwayo, ku nga “International Day of families” hi ririmi ra vadyivanhlampfi. Ndyangu un’wani na un’wani wu na nkoka. Miganga, Matiko, Swifundzhankulu, Afrika Dzonga, tikonkulu Afrika, hambi misava hinkwayo swi vumbiwile hi nhlengelo wa mindyangu. Vatatana na Vamanana lava endlaka ku hambana va huma emindyangwini. Swi fanerile ku kondletela mahanyelo lamanene emindyangwini leswaku hi ta va rixaka ra vutihlamuleri.

Khanimamba