Pfukani Vatsonga Machanga-Bulu No. 45 – Dzivamisoko 2019

1. Ku Xeweta:

Ndza mi losa hinkwenu eka n’hweti leyi ya ntshunxeko laha Afrika Dzonga. Hi siku ra makumembirhikombo, a hi tlangeleni ntshunxeko lowu hi hlayisekile. Eka hina Vatsonga Machangana, hi tlangela na ntlango wa thelevhixini lowu nga emoyeni ku sungula ka n’hweti leyi, makumembirhintlhanu wa malembe endzhaku ka ntshunxeko.

2. Tinhlengeletano ta Pfukani Vatsonga Machangana:
Nhlengeletano ya Dzivamisoko ya Vurhangeri yi ta va kona hi siku ra khumenharhu hi awara ya mbirhi na nhlekani ejoni.
3. DTT/Digital Terrestrial Television:
A hi si kuma hungu rintshwa eka xiyenge lexi, kambe ndzi rhandza ku hoyozela Nhlangano wa Vuhaxi wa Afrika Dzonga eka xiyenge xa TV na hinkwavo lava hoxeke xandla leswaku ntlango wa thelevhixini hi ririmi ra Xitsonga wu humelela. Se yi sukile.

4. Miletelodyondzo:

A ku si va na hungu rintshwa eka xiyenge lexi, kambe lava tsakelaka xiviko xo koma xa khoferense ya CRL leyi veke kona hi ti 25 na 26 Nyenyenyani 2019, hi nga va thumela hi imeyili.

5. A mi swi tiva ke?

Leswaku siku ra makumembirhinharhu Dzivamisoko i siku ro tlangela tibuku na vun’winyi bya matsalwa emisaveni hiinkwayo, ku nga “World Book and Copyright day” hi ririmi ra vadyivahlampfi ke? Ku seketela hungu leri, ndzi tsakela ku mi tsundzuxa leswaku “Sasavona” buku leyi tsariweke hi nkulukumba DC Marivate hi 1938 yi nga buku yo sungula hi ririmi ra Xitsonga, yi na makumenhungun’we wa malembe. Leri i goza lerikulu leri hi faneleke ku tinyungubyisa ha rona hina Vatsonga.
Tani hi rixaka, swi fanerile leswaku hi tlangela no hlayisa ndzhaka, hi tlhela hi tiendlela matimu hina vinyi.
Khanimamba