Alibamu ya Goodstaff yile ndleleni.

Rivalelani Mabasa wo huma eka Xigalo eka Malamulele loyi a tiviwaka hi vito ra Goodstaff eka vunanga bya Disco ya Xitsonga, i muyimbeleri loyi a nga tiyimisela ku hlayisa ndzhaka loko swi fika eka vunanga bya Disco. I mani loyi a tshemba leswaku swa ha ta va kona swiyimbeleri leswi nga ta yisa emahlweni vunanga lebyi bya mfpumawulo wo hlawuleka byi tlhela byi hlanganisa tinxaka hinkwato. Mutwa va tlhavula laha wu nga tlhava kona, kasi mhaka va sungula laha yi sunguleke kona. U sungurile tidyondzo exikolweni xa le hansi xa Xigalo purayimari kusuka kona a yisa tidyondzo ta yena emahlweni exikolweni xa Thambisa Secondary.

Gondzo ra kwe ra vuyimbeleri hi lembe ra 2018, laha a nga ndzawuta hi alibamu ya kwe leyi nga thyiwa Swoboha, leyi nga na tinsimu to hisa ku fana na U wa mina, Nhloko na Hi wena nkata, alibamu leyi nga swekiwa hi timbita ta le Crazy Production, le xilungwini eTembisa, yi kandziyisiwa hi nhweti ya Hukuri. Goodstaff u navela ku va xiyimbeleri xa ndhuma lexi nga ta tiviwa hi mani na mani. U tirhe na Crazy JR na Mimza ku sweka vunanga lebyi. Vunanga bya kwe byi kumeka eka yena n’winyi Ntlhontlho lowu a nga hlangana na wona loko gondzo leri ra ha sungula i ku pfumala vutivi bya laha a fanele ku kandziyisa kona vunanga bya yena.

Lexi a nga xi fikilela ku fika sweswi eka swa vuyimberi i ku va a rhambiwa eka ti festival kambe wa ha ri na torha ro tlangiwa emoyeni eka swiya na moya. Dyondzo leyi nga endzeni ka vunanga bya yena i nhlonhlotela varhandzani ku rhandzani hi ntiyiso no hlomiphana. Kasi lexi a rhandzaka ku xifikilela i teka masagwadi ya Disco. U rhandza ku byela varhandzi na vaseketeri va yena leswaku alibamu yakwe yi ntshwa leyi nga thyiwa leyi nga thyiwa Boss yi ta huma hi siku 29 hi nhweti ya Nyenyankulu 2019

Mavonelo ya kwe eka mhaka ya piracy i ku va mfumo wu nga engetela ti hakela eka empty disc. Leyi hi yona ndlela leyi nga lulamisa xiphitlo lexi. Eka varhandzi na vaseketeri va kwe u va tshembisa ku va nyika vunanga lebyi nga endla leswaku va tshama va tsakile. Kasi eka lava nga na ku navela ku landzela minkodzo ya yena vafanele ku tiyimisela va tirha hi matimba naswona va nga kopeli van’wani a va ntumbuluxi vunanga byo hlawuleka. Eka varhandzi na vaseketeri u ri xandla ehenhla ka xin’wani, wa ha ta va tsakisa ku ya emahlweni. Kasi lava nga na ku navela ku tihlanganisa na yena va nga endla tano hi tihlanganisa na yena eka nomboro leyi: 063 392 3726

Hi Shaddy Mavasa