#MokgoroInquiry: Bopysen a sola Edward Zuma

Khale ka murhangeri wa Hawks Johan Boousen a sola murhangeri wa National Director of public prosecutions, Nomgcobo Jiba ku va a chuchusiwile handle ka vumbhoni. U vula leswaku u sola Edward Zuma loyi a nga n’wana wa khale ka puresidete Jacob Zuma , hinkokwalaho ka vulavisisi lebyi a byi endla hi nwa-mabindzu un’wani loyi a nga suhi swinene na Edward. Booysen a nyika vumbhoni eka khomixini ya Mokgoro leyi yi fambisiwa i khale ka jaji ya Consitutional Court Yvone Mokgoro.

U boxi mhaka ya leswaku maxangu ya kwe na Jiba ya sungurile hi nhweti ya Mhawuri hi lembe ra 2012 endzhaku ka loko a ta va ali xikombelo xa Zuma xo koxa hakelo ya mali yo ringana khume ntlhanu wa mamiliyoni wa tirhandzi ku suka eka Police Treasury hi nwa-mabindzu Thoshan Panday.
Booysen u vula leswaku Panday a nyikiwile tender ya mali yo ringana 60 wa mamiloyini wa tirhadi ku nyika maphorisa ko tumbeta nhloko hi nkarhi wa mphikizano wa khapi ya misava hi lembe ra 2010. U vule leswaku u sungurile ku endla vulavisisi laha a nga kuma leswaku tender ya kona a yi fambisiwangi hi nawu, hi nkarhi wolowo Panday se a hakeriwile kwalomo ka 45 wa mamiloyini wa tirhadi.

U komberile vufumbisi bya ndzhwalo ya xiphorisa ku yimisa swa nkarhinyani ku hakeriwa ka mali leyi nga sala loko a ha endla vulavisisi. Hi nkarhi wa kona u kumile ritlingo eka wanuna un’wani loyi a vitana boti wa Zuma, laha a nga heta a hlangana na wanuna loyi a nga kuma leswaku I nwana wa khale ka president Zuma. U nwi komberile ku hakela mali leyi nga sala leswaku na yena a ta kuma minkavelo ya yena tanihi hi leswaku na yena a nga un’wani wa vafambisi va khaphani ya Panday va le xihundleni a boxa na mhaka ya leswa u endla vuvekisi bya mali yo ringana R900000 eka khaphani leyi.

Booysen u tsundzuxile Edward ku ya koxa mali ya yena eka Panday, leswi hi swona swi nga nwi tisela ku getsela ka meno.