Pfukani Vatsonga Machangana-Bulu No. 42 Sunguti 2019

1. Ku Xeweta:

Ndza mi losa na ku mi amukela eka magidi mbirhi – khume nkaye. Hambi loko lembe ri nga va ri sungule hi mukhuva wihi kumbe wihi, swa fanela leswaku hi languta emahlweni. Ndzi khensa Muvumbi loko a hi hlayisile ku fika enkarhini lowu.

A hi seketeleni vadyondzi hinkwavo lava tsaleke swikambelo hinkwaswo n’wanxemu, hi va hlohletela ku yisa tidyondzo ta vona emahlweni loko swa ha fanerile.

2. Tinhlengeletano ta Pfukani Vatsonga Machangana:

Nhlengeletano ya Sunguti ya EXCO yi ta tiyisisiwa hinkarhi lowu nga hetiki mbilu.

3. DTT/Digital Terrestrial Television:

Ndza tshemba mi ta tsundzuka leswaku Ndzawulo ya vuhlanganisi (DOC) hi nkarhi wa ministara Mokwenyane wu tivisile leswaku ku ta timiwa mahaxelo ya analog ku ya eka mahaxelo ya ximanguva lawa ku nga DTT (Digital Terrestrial Television) exifundzheni xa Freestate hi ti 31 N’wendzamhala 2018. Ndzawulo yi vula leswaku nkarhi lowu wu engeteriwile ku ya emaheleni ya Nyenyenyani 2019. Hambi loko hi langutele vuhundzuluxi lebyi hi mahlo ngati, swi hi nyika nkarhi wo tilulamisa, hi ku landza swibokisani swa ti STB, hambi ku xava tithelevhixini leti ringaneleke vuhaxi lebyi, ku nga iDTV.

4. Miletelodyondzo:

Tani hi Lana lembe ri nga ha ri ki matebyani, a ku si va na hungu rintshwa ro hlawuleka eka xiyenge lexi

5. A mi swi tiva ke?

Leswaku mi nga endla mfanelo ya ntsariso ya mintirho ya n’wina tani hi Buku, Xifaniso xo pendiwa kumbe vuyimbeleri eka CIPC ke? Kutani mi vekela marito “mfanelo ya ntsariso” kumbe “mfanelo ya ntsariso yi hlayisiwile” kumbe xikoweto xa mfanelo ya ntsariso lexi tivekaka misava hinkwayo lexi landzeriwaka hi vito na lembe, xikombiso, © Pfukani Vatsonga Machanganaaloyi 2011 eka mintirho ya n’wina yo sungula.

Khanimamba