JK Nkwinika I muyimberi wa vunanga bya Xitsonga

Lucky Khasta Nkwinika loyi a tiviwaka hi vito ra JK Nkwinika eka swa vuyimberi u velekiwile etikweni raka Mukhomi kambe sweswi u Kumeka eKurhuleni ka Muhayeki. U sungurile xikolo eka ntangha A exikolweni xale ekurhuleni Primary School laha a nga tlhela a yisa tidyondzo ta kwe emahlweni exikolweni xa Ongedacht High School.

U sungurile swa vuyimbeleri hi lembe ra 1996 laha a rhandza ku tlanga katara yo endliwa hi thini ra oyili. U hlohloteriwile hi malume wa yena hikuva na yena ari munhu loyi ati kuma ari karhi a rhandza vunanga hi xiyimo xale henhla. Hikokwalaho swi nga endla leswaku ati kuma ari karhi a navela ku fana tinqambhi to fana navo Dr Thomas Chauke, Peter Teanet, Soul Brothers na vanwani votala.

Mintlhotlho leyikulu a kuri ndhawu yo kandziyisela ka yona vunanga bya yena hikuva vanhu votala a va kota mali yo tala naswona a nga si tshama ayi vona. Ku kondza a hlangana na Mr B jaha ra le Mozambique hi 2015 laha a nga kandziyisa album yakwe yo sungula ya Disco leyi ayi vitaniwa Hlanganani yi katsa tinsimu to fana na Home sweet home.

Alibamu leyi yi kadziyisiwile eLangeni Studio eDaveyton ivi letinwani ti kandziyisiwa eRecord 24, yi humulerisiwa hi Shindendefu Witness Mtileni, ku fika sweswi u na tialibumu tinharhu, yin’we ya Disco kasi timbirhi eka Xigaza. Alibamu ya kwe ya Xigaza yo sungula yi thyiwa Mbhongolo Volume 1, laha ku na tinsimu to hisa ku fana na Salarhela, Xitluri tluru, Muendliwa na Mali, kasi loko kuri volume 2 ya kwe u tirhe na Xiyimbeleri xa ndhuma ku nga Sunglen Chabalala eka tinsimu to fana na Sol, Swilava mali, Saily Sun na I Do Nela Rothe, risimu leri hlohlotelaka vun’we exikarhi ka Rixaka ra Venda na Vatsonga, endzhaku ko vona ku avana loku nga kona eka tinxaka leti mbirhi.

Eka Volume,1 u tirhe kahle na Shindendefu, Masilonyani na Mhani Mashaba .Vunanga bya yena byi kumeka tindhawu hinkwatu eLimpopo na Gauteng lexi u faneleke kuxi endla i kuti hlanganisa na vafambisi va Bazuka Music Mr Foster Mbekwa-0792185673 na Matimu Baloyi-0716466869

Manager Mr Jabulani-0713795975 Ntlhontlho lowukulu i ku va vunanga bya yena byi nga tlangiwi eka radio ya MLFM. Lexi a xinavelaku swinene i ku ti kuma a ringana na vanwana vayimbeleri vo fana na President Mayengani na Penny Penny naswona u navela kufika laha va nga fika kona. JK Nkwinika va nwi vitana muongori wa mbilu na moya nakona vunanga bya yena byi endla leswaku vanhu vatekela enhlokweni mhaka ya dyondzo, rirhandzu, vunwe naku kondletela rirhandzu emindyangwini hambi kuri kuhunguta madzolonga na rivengo ehenhlweni ka MaAfrika kulorhi. Ku pfumala nseketelo eka mfumo wa hina swa tika ku u nga ku xiboho kumbe xintshuxo hi lexi, kambe vunanga byi ta thova tibanga ta timbilu byi ntshungula vuvabyi bya mbilu.

Varhandzi va Jk Nkwinika ava languteli kukula naku tiveka ka vito tani hi manwani naswona u tshembhisa vaseketeri kuva endlela vunanga byo aka tani hi ntolovelo kuya emahlweni no tsakisa rixaka naku ndlandlamuxa nhlayo ya vaseketeri i ku Nkwinika i munhu loyi a nga na vuswikoti byo hambana-hambana kukatsa na ku tsala switori no lunghisa mimovha JK u lava leswaku tintlambi hinkwato ti khomana tiva xilo xinwe leswaku vakurisa rixaka no tsakisa vaseketeri va vunanga

Varhandzi na vaseketeri a va ti hlayisi hi masiku na minkarhi naswona miya mahlweni naku seketela vunanga bya Nkwinika. Mi nga ti Hlanganisa na yena eka 0733193015 Facebook @ Jelani Khasta Nkwinika.

Hi Winnie Hlungwani.