Xalamukani vavavuna.

Ntsako eka lembe lerintshwa, a hi ngheneni hi rirhandzu, ntwela-vusiwana, vunene na ku rhula.

Wa tiva u n’wi rhandza tati na vusweti bya yena na vana a nga ta na vona evukatini. U fika u hlayisa hi mbilu yo basa paa u khoma u hlayisa hi mbilu ya rirhandzu, u hlambisa, u dyisa u mbarisa u tlhela u ku kho! u yisa xikolweni, vana na mana wa vona, little did you know ku mavholovholo ma ta ku kombetela xigon’wani lexi siku rin’wani.

Vavasati, va-va-sa-ti!!!!

Kuve loko matafula a ma lo jiki ku tunda yena, a swi ta tiva hi misava hinkwayo u hlekula na hi tinsikiti, swonaa!!!!
Eeeeeh u ku kho! u dyondzisa xikolo ku lava ku antswisanyana xiyimo xa n’wina kambe loko se a thwasile lowa manana a tivona a antswa ku ku tlula, se u voniwa u ri mpheheleni.
Hi loyi manuku na kondlo a nga ha dyi, i hundzuke rirhavela, ku delela ku ri njhani! A nga ha ku xiximi tani hi nhloko ya muti, dyondzo yi n’wi nghene matsolweni.

A twa palony kuve na xinkwa u xi dyondze ka wena.

Se a kumane na vo nghena na vona meetings a boardroom, wena se wo va ximbhazimani….a ku langutela bodlheleni kuve mbuyangwani u lo tlulela henhla ku vonaka xiqhivi u ku kho! u dyondzisa xikolo.
Swi heta matimba, na ntambhu u nga yi hleketa, na wansati u nge he n’wi tshembhi, kwihi, u nga heli matimba yaloyi a ngo hindza, a nga va a hindze na xikhwama xa wena kambe ra malakiya ra fika ka yena, la a nga ta orhovela mbitsi a hakela ku phuntisa n’wana wa wun’wani wansati.

Lexi nga heriki xa hlola, zambhala leri nga ku tlimba minkolo ri ta rhelela u sala u phyuphyile, yima u tiphumundha, Xikwembu xi ta ku nyika matimba yo ya mahlweni, na swona mavoko ma munhu a ma mili nhova, a nge ku heti a wu xiwitsi.

Vavasati i swikelema, kambe a hi hinkwavo.

Hafu ya vona va lulamile kasi hafu va na lunya na vuloyi, ximememe, nyoka ya ntsevu wa tinhloko, Nyoka ya ntshava. Rirhandzu va hava, kambe va endla vavanuna switepisi swo va gonyisa henhla va ya lomu va yaka ivi va rahela xitepisi le kule loko se va ri malembelembeni.

Sebenza girl swa thyaka kuve i mali ya vumbabvha. Swi lava vuxiyaxiya na vurhon’wani, hambanani na tinthungununu na slay-queen makumu ya kona mi ta dlawela mali ya nxorense va sala va yi dya na va gawula va vona. Xalamukani vavavuna.

Hi Zanele Pretty Maswanganyi