Ku rhandza, ku rhandzana na ku rhandziwa

Laha vanhu va hlanganaka kona, swi fika swi kotlana, ivi va lavana hi ku hetiseka, rirhandzu ra vona ri pfurha ri vavamela ku kotisa ritshwa hi nguva ya ximumu. Kwalaho rirhandzu rero ri famba handle ka swipimelo (unconditional love). Hinkarhi walowo ku hava loyi a vona ka swihoxo swa murhandziwa wakwe….ko twala tsena vu lovey lovey, honey, darling, sweetie babe. Loko ko hela xinkarhana va nga vonanangi swi va ingaku vutomi bya lowu nwana byi yimile, hi lero loko va tsundzukana na ndlala ya yima nyana vuswa a byi ngheni, rirhandzu mbuya. Swiendla ingaku vutomi a byi hetisekanga loko lowu nwana a nga ri kona.

Kambe loko se varhandzani va teka xiboho xo tshama swinwe – hi vukati na ku hlomisana. Kwalaho se ku laveka varhandzani va kombisa vutihlamuleri (responsibility) na ku komba nhlonipho (respect) ka murhandziwa wakwe, hi ndlela yo dyondzana ri hanyo. Kambe leswi pfunaka ngopfu ku kurisa rirhandzu iku lehiselana mbilu loko munhu se a vona murhandziwa wakwe a humesiwa vumunhu (personality and character) byakwe handle, loko swi nga ri tano se ku ya landzela ku hambana hi miehleketo ka swo tala, laha swi nga tikombaka ingaku wunwana u jikela wunwana, kasi swilava ku tsundzuka le masunguleni naku hleketa leswa kahle hi munhu wakwe. Ka nkarhi wunwana swi nga kala swi lava vakulu va vanhu ku nghenelela ku komba endlela, loko vari vapfumeri vafundhisi va kona ku khongotela no komba ndlela.

Ku kondelelana na ku lehiselana mbilu swi hunguta swivulavula nati mbholovo lomu vukatini bya vanhu lava va nga tiyimisela ku aka muti hiku hetiseka. Loko futhe ko tala ku twisisana vukati byebyo byina masungulo lamanene, byi nge tsekatsekisiwi hi nchumu vukati byebyo. Nuna na nsati swi olova ngopfu ku tsakisana loko va tshama hansi va kunguhata swa mafambelo ya muti wa vona, swo fana na nawu wa muti wa vona, makuriselo ya vana loko xikwembu xiva katekisile , hambi yari madyelo yana nkoka, na tendzo tale kule nale kusuhi (trip) vanhu vahuma vaya beliwa himoya lomuya malwandle. Eka vaka mbava mativa kuhava swotsakisa ku fana na loko mifoyinela vaka manana mivabyela kuri vanga sweki mile kuvuyeni na Pizza.

Eka vaka manana mativa kuhava swotsakisa nuna ku tlula ku mirhiyeketa nkarhi wo chayisa mitseleka mapoto ivi vakuma swakudya swa ha hisa, loko vanghena ndlwini mirhanga hiku va endlela mati yo hlamba loko swakudya swaha phamiwa, haaaa ! misava hinkwayo yita switiva kuri varhandziwa ngopfu….. hambi tiri ti bonus vata minyika vanga susangi na peni yo tsuka, tivuya kaya.

Rirhandzu ra tsokombela minga xisiwi vaka hina……………………………………”

wa nwina Thomas Baloyi (life coach) 0786239180