#Songa Rigogo raha Tsakama

Kuna ku hambana exikarhi ka kutiyisela na ku dya nkarhi, wanuna loko a rhandza wansati a nge vi na xivangelo xo tshama ntlhanu wa malembe ku n’wi dyondza mahanyelo wonge i choose yo dyondzela vudokodela eYunivhesithi a nga se n’wi endla nsati wa xitekwa. Kuve macheleni yo vuta u na wona. Hi nkarhi walowo wansati wa vanhu u cinacinisiwa ehenhla ka makala hi nenge wa ximatsi a karhi a kombiwa hangayivona-mana wa maxangu!

A wa a pfuka ku ringeta ku ololoxa na ku cinca mahanyelo ya vuhodova leswaku munhu a hanyeka a languteka a tlhela ava na vumunhu kambe Hodova dyi sihalala hikuva dyahari ku valangavalangeni. “A wu se kuma rirhandzu ra ntiyiso loko wa ha endla swa vutlhoma-mahlo”.

Ku hava munhu wo ka a nga cinci, munhu u cincela ntsena loyi a n’wi rhandzaka. Loko a kume munhu loyi a n’wi rhandzaka, a nga n’wi lovola hi ntsevu wa tin’wheti a tlhela a endla hinkwaswo swa kahle leswi a ala ku swiendla ku vuxaka lebyi a humaka ka byona bya malembe na malembe hikuva a fambisa nkarhi. Hikokwalaho swi lava vuxiyaxiya lebyikulu hikuva nyuku wa mbyana wa vava, u tikuma u hlakatiwe mbilu hi swilo leswi a wu swi vona kambe u honisa u ku swi ta lungha, u tshamela ro dyisiwa mbitsi u nga ta kuma na mavabyi ya mbilu na mavabyi lamaya na lamaya hikuva makumu ya kona a ku na xidlodlo u nga ta xi kuma……songa rigogo raha
tsakama!!!!!!!

Hi Zanele Pretty Maswanganyi