Papa Yeye I muyimbeleri wa vunanga bya Xitsonga

Ringanisa chauke wo huma eka Ndhengeza loyi a tiviwaka hi vito ra Papa Yeye eka swa vunanga, i muyimbeleri wa vunanga bya Xitsonga. Mutwa va tlhavula laha wu nga tlhava kona, Papa yeye u velekiwile etikweni ra Zimbabwe, emugangeni wa Dumisa. U sungurile tidyondzo ta yena ta le hansi exikolweni xa le hansi xa Ndhengeza Primary School. U sungurile gondzo ra kwe ra swa vuyimbeleri hi lembe ra 2017, u vula leswaku u nhlonhloteriwe hi tatana wa kwe loyi a rhandza ku nwi yimbelerisa tinsimu ta xiyimbeleri xa ndhuma Penny Penny.

U hlanganile na mintlhotlho leyo tala loko gondzo ra ha sungula, ku pfamaleka ka macheleni hi swin’wani leswi a swi xungeta ku yima endleleni ya xiyimbeleri lexi, hambiswiritano u tirhe hi matimba ku kondza hi lembe ra 2017 a kandziyisa alibamu ya kwe yo sungula leyi nga thyiwa Maseve Wa Vanhu. Laha endzeni ka alibamu leyi ku nga na tinsimu to hisa leti katsaka: Xisuti, Nita ku vavisa na Ngoma ya mixexo, vunanga lebyi nga kandziyisa eSelzo Studio, Selzo Mabasa na Tommy Boy kuri van’wani lava nga hoxa xandla ku humelerisa vunanga lebyi.

Eka nkarhi wa sweswi u humesi risimu rin’we leri nga humelerisa hi Enock Mateki ku suka eka Swa Mateki Swina Mandla Music Production, kasi Nhlamulo Ndhima hi un’wani loyi a nga hoxa xandla eka risimu leri. Vunanga bya Papa Yeye byi kumeka eka yena n’wina eka nkarhi wa sweswi, varhandzi na vaseketeri va yena va nga tihlanganisa ku kuma vunanga bya kwe. Kasi mintlhotlho leyi a nga na yona eka nkarhi wa sweswi i pfumala Mufambisi hi tlhelo ra bindzu ra swa vunanga, leswi nga ntlimbo eka swiyimbeleri swo tala leswi swa ha taka.

Ku navela ka Papa Yeye i ku fikilela na le ka matiko man’wani ya misava, laha a nga ta kurisa vunanga bya Xitsonga byi tiveka misava hinkwayo. Xin’wani a rhandzaka ku xifikilela i ku tlangiwa eka swiyana moya hinkwaswo leswi swa tiko. Kasi varhandzi na vaseketeri va yena va nga kangutela Music Video, kasi eka swiyimbeleri kulobye u rhandza ku tsundzuxa leswaku vunanga a hi nhlamba kambe byi fanele ku aka Rixaka.

Mhaka ya piracy yona u vona onge nawu wu nga tikisa xandla eka va makuma swivupfile. Kasi xivutiso lexi nwi swirhaku timbilu i ku vutisiwa hi xin’wani xiyimbeleri, u vula leswaku yena a nge le ka phikizano kambe i muyimbeleri wa vunanga. Kasi eka lava nga ku navela ku landza swa vuyimbeleri u va tsundzuxa leswaku vunanga byi lava mbilu, kasi eka swiyimbeleri kulobye swa yena u ri: A hi khomaneni, hi nga vengani, vayingiseri va vunanga I vayingiseri va hina hinkwerhu. Ku gimeta Papa Yeye, muyimbeleri loyi a tirhaka hi matimba ku vona leswaku milorho ya yena ya humelala. Lava nga na ku navela ku tihlanganisa na yena va nga endla tano hi ku bela ritlingo eka nomboro leyi: 073 903 9587 kumbe hi WhatSaap

Hi Shaddy Mavasa