Pfukani Vatsonga Machangana BULU NO. 41 – N’wendzamhala 2018

1. Ku Xeweta:

Ndza mi losa eka n’hweti ya N’wendzamhala, n’hweti yo taleriwa hi migingiriko, tani hi loko vunyingi bya maxaka na vanghana va hlangana va tlangela ku hela no amukela lembe lerintshwa. Lexikulu ka hinkwaswo i vuhlayiseki na ku tihlayisa.

2. Tinhlengeletano ta Pfukani Vatsonga Machangana:

Nhlengeletano ya N’wendzamhala ya EXCO a yi va nga kona hikokwalaho ka migingiriko yin’wana. Tinhlengeletano ti ta sungula nakambe haxawa.

3. DTT/Digital Terrestrial Television:

A hi kumanga hungu rintshwa eka xiyenge lexi, kambe lava tsariseke ku kuma swibokisani swa mahala swa ti STB va nga kamba kumbe ku swi landza eposweni.

4. Miletelodyondzo:

Nhlangano wa Pfukani Vatsonga Machangana a wu rhambiwile eka nhjekanjhekisano hi vuyimeri bya tiko ra Argentina laha Afrika Dzonga hi siku ra vuntsevu (06) N’wendzamhala 2018 ejoni. A wu ri njhekanjhekisano lowu a wu languta eka vuxaka bya vupfumeri byo hambana hambana lebyi katsaka vuKriste, Ndhavuko, Muslim, Jewish, Hindu na Koi. Njhekanjhekisano lowo a wu kongomisiwile eka ku tlangela ndzhaka ya Tat. Mandela na Man. Sisulu na ku hlohletela twanano exikarhi ka swiyenge leswi.

5. A mi swi tiva ke?

Leswaku na hina Vatsonga hi na mfanelo yo hlawula no bumabumela tindzhawu kumbe miako leyi nga na nkoka eka matimu ya hina leswaku yi va eka nongonoko wa tindzhawu ta ndzhaka tani hi Maropeng, Mapungubye, yindlu ya mukhalabye Mandela exihlaleni xa Ruben laha akhotsiwe kona na tin’wani tindzhawu ke? Hi tsakela ku landzelerisa mhaka leyi na swiyenge leswi khumbekaka, hi kombela na n’wina mi hoxa xandla mi hi byela mavonelo ya n’wina.

Ndzi khensa Muvumbi loko a hi hlayisile ku fika enkarhini lowu. Mi hlayiseka hinkwako lomu mi nga kona. Hinkwaswo leswo tika eka 2018, i nga ku swi nga hundza na rona. Leswo saseka hinkwaswo, tinjombo, rihanyo lerinene, rirhandzu, ntsako na ku rhula swi va na n’wina eka lembe ra 2019.

Ha khensa nseketelo wa n’wina wa n’wanxemu, nan’waka na haxawa a swi ve tano.

Khanimamba