Nwa Maphale I Muyimbeleri Wa Vunanga

Carol Cecilia Ndlovu loyi a tivekaka hi vito ra Nwa maphale u velekiwile etikweni raka Shigalo, emugangeni waka ntlamu eka Malamulele. U sungurile tidyondzo ta yena eka Shigalo Primary School a yisa emahlweni e Thambisa Secondary School, laha a nga dyondza a heta ku kondza aya dyondzela ntirho e Saint Ingnatious College, Polokwane Campus Of Nursing.

U sungurile ku landzelela swa vunanga hi 2010 laha a hlohloteriwa hi vaseketeri va yena, u vula leswaku mintlhontlho leyi a hlangana ku na yona eka nkarhi wa sweswi i ku va a endla vunanga bya yena eka ti studio to hambana na kona u endla vunavetisi hi yexe laha a nga kotiki ku fikelela vanhu hinkwavo, muyimbeleri loyi u sungurile ku kandziyisa vunanga bya yena hi 2010 album leyi thyiweke Flying High, vunanga bya muyimbeleri loyi byi kandziyisiwa eka Chongola Studio, u vula leswaku u na ti album tinharhu hi mpfhuka a sungula, Flying High, I’ll never cheat on you na Hi Famba Maxangu Yari Kona (nghenelela yesu) vunanga lebyi byi kumeka eka switolo swo xavisa vunanga leswi kumekaka kwala xifundzheni xa Vhembe.

U vula leswaku u fikelele swo tala hi vunanga swo fana na kuva vunanga bya yena byi tlangiwa eka swiyanimoya hinkwaswo, na kuva a kume mufambisi loyi a endlaku swilo hinkwaswo ku suka ka studio kuya fika ka vunavetisi. vunanga bya yena byi na dyondzo hinkokwalaho u rhandza leswaku byi fikelela vanhu hinkwavo, na yena nwinyi a va muyimbeleri loyi a tivekaku, mavonelo ya muyimbeleri loyi eka mhaka ya piracy u vula leswaku loko a ko durhisiwa CD yo pfumala nchumu kambe leyi yi nga na nchumu yi chipa.

Eka malembe ya ntlhanu lama nga ta landzela vaseketeri na varhandzi va vunanga va nga langutela, mayimbelelo ya xiyimo xale henhla na tintswalo ni ntoto wa matimba, u vula leswaku yena u rhandza ku fikelela laha vanhu va nga ta hundzuka hi vunanga lebyi, lexi varhandzi nava seketeri va muyimbeleri loyi va nga xi tiveki hi yena hi leswaku, i muhumelerisi, mutsari, mfundhisi, na dropveter, u vula leswaku xivutiso lexi xi nga tshama xi nwi swirha timbilu I xaku hikokwalaho ka yini a nga tekiwangi.

Lava nga na norho wo yimbelela u va tsundzuxa leswaku nkarhi wa xikwembu hi wona wa kahle swi nga leswi ava yimeli nkarhi wa xikwembu na kona ava nga hlupheki, vayimbeleri kuloni u va tsundzuxa leswaku rintiho rinwe ringe nusi hove swi nga leswi ava khomisani va endla xilo xinwe hi ntwanano, u tlhela a nkhensa varhandzi niva seketeri va vunanga na leswaku ava langutiseli swa matimba eka alibamu leyi, lava nga naku navela ku tihlanganisa na muyimbeleri loyi wa kumeka eka Facebook @cecilia ndlovu (nwamaphale), WhatsApp @0728705662, email @ndlovucecilia33@gmail.com

Hi Winnie Hlungwani.