Xidyiso i vuloyi

Vavasati hambanani no kapurisa vana va vanhu swikhedzakhedzani, futhe mi tiva na tinxaka ta swona na matirhiselo, mudyiso i vuloyi bya xiyenge xo sungula xale henhla-vuloyi mphela! Phela i ku hundzula munhu hlonga na xidajani xa wena.

Mbuyangwani vá kokiwa hi tinhompfu vá pfumelela hinkwaswo, vá hundzuka malwelwelwe vá phunta va tlhela va dadavala. Va biwa no tekeriwa muholo hinkwawo, nawu wo sungula wa mudyiso wu ri ” languta mina ntsena”, swa nandziha loko swa ha sungula kambe hiku famba ka nkarhi munhu wo langutana na wena no ku landzelela hinkwako la u yaka kona u swirha timbilu, tlhandla kambirhi mudyiso wu lolohisa swirho hinkwaswo.

Kwalaho u ta boheka k’endla vukungundwani u sungula ku lava woku seas xivunda, i rirhandzu ra muxaka wihi ro sindzisa? U etlela njhani vurhongo na vuloyi byo tani? Loko munhu u vona wonge a nga ku rhandzi hambana na yena swi vula leswaku ahi wa wena, wa wena u kona la u nga ta tiphina no etlela bya n’wantenyani hiku tiva leswaku u rhandziwa swi suka mbilwini.

Hi Zanele Pretty Maswanganyi

Disclaimer:

N’wereti News encourages freedom of speech and expression of diverse views. The views or option columnists publishes in N’wereti News publication are therefore their own and do not necessarily represent the views of N’wereti News