Collen Sambo i muyimbeleri wa vunanga bya Xitsonga

Colle Sambo muyimbeleri loyi a humaka etikweni ra Bushbuckridge emugangeni wa Belfast kusuhi na Mkhuhlu u velekiwile e Daveyton, i muyimbeleri wa vunanga bya disco na xigaza, u sungurile tidyondzo ta yena epurayimari ya Bush Primary School a yisa emahlweni tidyondzo ta yena e Shalamuka High School na Mandondo high kwale Belfast. U sungurile swa vunanga khale a ha ri ntsongo laha a nga sungula ku tsala vunanga eka malembe ya khume nkombo (17), u hlohloteriwile ku landzelela swa vunanga hi vayimbeleri lava a rhandza kuva landzelela eminkarhi yaleyo ya khale, na ku rhandza vunanga. U sungurile ku kandziyisa vunanga hi 2013 hi alibamu ya disco leyi vitaniwaka Mahola Celela laha a nga kandziyisa ku ya emahlweni hi 2015 hi alibamu ya xigaza leyi vitaniwaka Adam, hi 2016 a kandziyisa leyi vitaniwaka Woman Rights, laha na lembe leri a nga kandziyisa leyi Vusiwana Wilson, vunanga lebyi byi kandziyisiwile etindhawini to hambana laha alibamu ya disco yi nga kandziyisiwa e Daveyton e Langeni Studio emuchinini ku tshama MR B ku hlanganisa mimpfumawulo

Laha alibamu ya xigaza ya Adam yi kandziyisiwile eka Rhangani studio, mufambisi (Manager) wa kwe a ri Lazarus Rambau, alibamu ya Woman Right Na Wilson ti kandziyisiwile eka Mambawulela studio kasi mufambisi (Manager) kuri Steven Makhongela, muyimbeleri loyi u na ti alibamu ta mune hi pfhuka a sungula swa vunanga yinwe ya disco na tinharhu ta xigaza. Muyimbeleri loyi u vula leswaku tinsimu to duma tive ka alibamu ya Woman Right, risimu ro fana na Tihuku a ri feature Nurse Matlala na Wansati Wo Dyondza, Wilson hi rinwana leri nga tindleveni ta vayingiseri na Teresa na Babalaza leti tile ka alibamu Wilson. Muyimbeleri loyi u tirha ngopfu na Mambaulela Baloyi u tlanga keyboard na Thandi Munyuku na Nurse Matlala, Steven Makhongela wa masitara a tlhela ari mufambi (manager) ya yena, vunanga bya muyimbeleri loyi byi kumeka eka to record bar hinkwato, u vula leswaku u fikelele swo tala swo fana no tinsimu ta yena ta tlangiwa eka SABC Radio’s no kuma ti event ta xiyimo xale henhla ku fana nale switediyamu no tiveka vanhwini, u ri u na ku navela ka leswaku ava ntlambhi yo duma

U vula leswaku vunanga bya yena byi dyondzisa mahanyelo emindyangwini, muyimbeleri u tlhela a vula leswaku mfumo i nga ku wu nga hoxa xandla eka mhaka ya piracy, eka malembe ya ntlhanu lama nga ta landzela u vula leswaku u tava a ha tsakisa varhandzi na vaseketeri va yena, u rhandza ku tsundzuxa lava nga na norho wo yimbelela leswaku loko kuri nyiko va nga heli matimba hambi loko swi tika hiku a swi olovi ku fikelela milorho, u tsundzuxa na vayimbeleri kuloni leswaku ava tirhe va ya emahlweni mhaka leyikulu i ku tirhisana vava xilo xinwe. U rhandza na ku khensa vaseketeri va yena ku sukela kwale a nga sungula kona ku ta fika sweswi seketelo lowu vanganwi nyika wona, Collen Sambo wa ha ta ya mahlweni a va nyika vunanga lebyi va byi rhandzaka, lava nga na ku tsakela ku ti hlanganisa na muyimbeleri loyi wa kumeka eka nomboro leyi 076 675 6325 Whatsapp, Facebook @Collen Sambo na le ka twitter @Collen Sambo

Hi Winnie Hlungwani