Winnie Hlungwani i mutsari wa swiphato eka Nweretinews

VANANGA!

Vana va mina mbuya!
Mikateko ya mina
Nyiko ya mina.
Majaha ya mina mbuya!

Loko mi ndzi vona ndzi kayaya
Ndzi endlela vona vananga!
Loko mi ndzi vona ndzi ya hansi na le henhla.
Ndzi handzela vona vunanga

Mi nga ndzi vondzokeli
A ndzo va na nchumu kambe
Ndzi rimela vananga
Ndzi nga dlawi vanhooo!
Ndzo va mbyana.

Ndzi tshikeni ndzi hanyela vananga
Vana va mina manani.
Matevula ya mina malwandla
Vito ra wena nwananga
Ri hlamusela mbilu ya mina

Ndzi tele rirhandzu nwanangoo
Bya mati ya lwandle ra khapakhapa
Xipfula rhumbu xa mina awaken
Vana va mina manani.
Rikhotse ra mina mpimo

Vito ra wena xipfala rhumbu xanga.
A kova vito ntsena nwanango!
Ri hlaya mpimo wa rirhandzu ra mina
Mpimo wa ri rhandzu ra mina eka nwina vananga.
Rirhandzu ra mina ri ringana na Sava ra lwandle vananga

Vana va mina
Ndza ti nyungubyisa hi nwina.
Na loko ndzi famba ndza tiya,
Hikuva mi ndzi nyika nhlamuselo ya vutomi,

Majaha ya mina mawaku
Vana va nwa-nsono nwina.
Ndzi tiba xifuva hi n’wina.
Malwandla na mpimo vananga.

BY: WINNIE HLUNGWANI