Makhelwani na Thinono I alibamu yintshwa ya Xiba Vafana

Peter Miyambu kumbe Xiba Vafana u velekiwile emugangeni wa le Ntlhaveni Block H, a kulela eGreenfarm eka Malamulele. U sungurile ti dyondzo ta yena tale hansi e purayimari ya Makahlule. U yise tidyondzo ta yena emahlweni exikolweni xa le henhla xa Nwanati High School. Ku suka kona u yise tidyondzo ta kwe emahlweni eTechnikon leyi vitaniwaka TUT namuntlha.

U sungurile swa vuyimbeleri hi lembe ra 1997 laha a nga kandziyisa album ya yena yo hisa ya madyondza leyi thyiweke Ehansi Ka Dyambu, u tirhi na swiyimbeleri swa ndhuma ku nga Abel Chauke (Xigalani) na Patson Chauke, ku fika sweswi Peter Miyambu u na nkombo wa tialibamu. U tsarile ntlangu wo siyerisana hi swiphemu, lowu a wu vitaniwa “Swi ndzi khele matluka, lowu nga tlanga hi 1997, lembe ra mikateko eka Miyambu. Tin’wani ta tinsimu to hisa leti nga nyanyula varhandzi na vaseketeri va vunanga eka nkarhi lowu nga hundza na sweswi hi leti: Vol: 01 Ehansi ka dyambu (Ehansi ka dyambu). Vol: 02 Rhilondzo ra murhi (Ku minya ku buba). Vol: 03 Xidabulela (Xidabulela). Vol: 4 Hosi Khotsa (Tatana wa vutihlamuleri) 5. Vol: Tovetsa (Mali ya timbambu). 6. Khwenu Kwenu (Khwenu Khwenu). 7. Vol: 07 Makhelwani na thonono (Tigembe Mupapwa, alibamu leyi a nga tirha na Abel Chauke, Sunglen Chabalala, Shindendefu Witness Mtileni, Power Ready na Wire Mgakula.

Vunanga bya kwe byi swekiwa e24 Records na le Gigela Studio hi mavoko ya vutshila na vuswikoti. “Leswi ndzi nga swi fikielela eka swa vunanga i ku nyanyula mintshungu leyo tala hinkwako laha ndzi nga tshama ndzi rhambiwa kona, ndzi tlhela ndzi siya na dyondzo yo nkarhi eka lava nga kota ku yingisela vunanga bya mina, ku vula Peter Miyambu, aka Xiba Vafana.

“Mintlhontlho leyi ndzi hlanaganaka na yona i ku hangalasa vunanga bya mina, ku pfumala mpfuneto wa vuhangalasi na vurhangeri hi swona swi nga ntlhontlho. “Mhaka ya piracy yi nga hluriwa hi ku khoma na ku xupula hi ndlala ya tihanyi eka lava va endlaku piracy. “Eka malembe ya ntlhanu lama nga ta landzela ndzi ta phamela varhandzi na vaseketeri va mina swakudya swa tindleve leswi nga ta va swi khomi dyondza leyi kulu, ntokoto wa mina eka vunanga wu ta va wu ri wa xiyimo xa le henhla. “Vunanga bya mina byi ta kumeka hi ku olova naswona ndzi rhandza ku fikielela ku kota ku humelerisa vunanga bya mina hi ndzexe. ‘Lama i marito lama humaka enon’weni wa xiyimbeleri lexi nga famba mpfhuka lowo leha eka gondzo ra swiyimbeleri.

Dyondzo leyi ndzi siyaka eka varhandzi va vunanga i ku tihlayisa, vubihi bya swidzidziharisi, nkoka wo hlayisa minti, vubihi bya madzolonga emindyangwini na nkoka wa dyondzo. “Ndzi tirha hi matimba ku antswisa vuyimbeleri bya mina na ku vona leswaku ndzi angarhela na tin’wani tinxaka. Lava nga na norho wo yimbelela ndzi vula leswaku vuyimbeleri a hi byi endleli ntsena ku ti tsakisa, hi fanele ku endla vuyimbeleri lebyi nga ta yingiseriwa hi mani na mani, naswona a hi endleni vunanga hikuva hi ri na nyiko kambe ku nga ri ku navela ntsena.

Eka varhandzi na vaseketeri va mina sweswi ndzi vuyile hi xidumo ku ta mi tsakisa, ndzi khomile vunanga byo tsokombela. Lava va nga na ku navela ku tihlanganisa na mina va nga endla tano hi ku ndzi bela ritlingo eka nomboro leyi: 072 720 3689, kumbe hi tindlela leti landzelaka: Facebook: Xiba Vafana Peter Miyambu. Twitter: Xiba Vafana. Instagram: Xiba Vafana. Inkomu.

Hi Winnie Hlungwani