PFUKANI VATSONGA MACHANGANA Bulu10-2018

1. Ku Xeweta

Ndza mi losa

Ndza tshemba leswaku vuyingi bya hina ha swi tiva leswaku eka n’hweti leyi ya Nhlangula hi lemukisiwa hi swifambo emagondzweni laha Afrika Dzonga. Mhakankulu i vuhlayiseki. A hi tihlayiseni hi hlayisa na van’wana vatirhisi va magondzo.

2. Tinhlengeletano ta Pfukani Vatsonga Machangana

Nhlengeletano ya Nhlangula ya EXCO yi ta va kona hi ti 13 eSoshanguve

3. DTT/Digital Terrestrial Television

Ndzawulo ya vuhlanganisi ya ha yima hi nkarhi lowu vekiweke wa Khotavuxika 2019 ku hundzuluxa mahaxelo ya sweswi ya Thelevhixini ku eka mahaxelo yantshwa. Kambe va tshikelela ngopfu leswaku mfumo wu lava mfuno eka swiyenge swin’wana ku katsa na mabindzu. “Hi ta ku I Mangwa loko hi vona mavala.” Leswi swi vula leswaku ha ha ta tlembeletana kwale ka SABC 1,2 NA 3

4. Miletedyondzo

Tani hi laha hi tshembiseke ha kona, hi ta avelana na n’wina swintsongo hi leswi hi swi tivaka.

CIPC-Companies and Intellectuals Property Commission of South Africa. Xiyenge lexi xi le hasi ka DTI-Department of Trade and Industry. Laha mi tsarisa vun’winyi bya swihumeleisiwa swa n’wina vinyi, ku nga va mintirho ya mavoko kumbe vutsari (mieheleketo), leswaku swi sirheleriwa hi nawu eka lavo encisa kumbe ku yiva mieheleketo ya van’wana ngopfu-ngopfu laha tikweni. CIPC yi lulamisa nhlengeletano ya misava hinkwayo leyi nga ta va kona hi ti 23-25 Nhlangula 2018 eSandton eJoni. WIPO-World Intellectual Property Organisation, yi a ngarhela matiko lama nga swirho eka wona, Afrika Dzonga I xirho eka nhlangano lowu, hikokwalaho WIPO yi ta va kona eka nhlengeletano.

5. A mi swi tiva ke?
Leswaku, vuyingi bya tibuku ti na nomboro ya xihlawulekiso lexi vuriwa ISBN ke? ISBN-International Standard Book Number. Xik. ISBN 0 949981 346 I nomboro ya buku ya VUTLHARHI BYA VATSONGA (MACHANGANA). Hambi I va ngani va nga na yona? Mi nga swi kota ku lava tibuku ta khale hi tinomboro leti, hi vito kumbe mutsari. Tin’wana ta tibuku ta khale ti na dyondzo leyi nga kondletelaka mahanyelo lamanene erixakeni, hi nga ti cukumeti, I Ndzhaka yerhu. Yin’wana ndlala yo lava tibuku leti eka inthanete I, www.lookpbyisbn.com

Khanimamba
Tat. SMS Khosa
Mutshamaxitulu: Pfukani Vatsonga Machangana
Riqingho: 083 304 2469
Loko u ri na xo xi vula loko u nga vuli xi ta vuriwa hi mani