DMS Music I Muyimebeleri wa Hip Hop

Stuart Mkhancwa wo huma eTzaneen loyi etivekaka hi vito ra DMS Music eka swa vunanga, i muyimbeleri wa vunanga bya Hip Hop. U sungurile tidyondzo ta yena exikolweni xa le hansi xa Tito Mboweni Primary School, laha a nga pasa kona giredi 7, ku suka kona a yisa tidyondzo emahlweni eZibuko Senior Secondary School, laha a nga pasa kona giredi 12 ya kwe.
Ku suka kwalaho u yise tidyondzo ta yena emahlweni exikolweni xa le henhla xa Pretoria Central College laha nga endla tidyondzo ta Sound Engineering.

DMS Music a nga lo swiwela henhla leswa vuyimbeleri kambe u lo kulela edyangwini lowu a ku hanyiwa hi byona, loko a ha sungula a nga hlangana nga na mintlhonthlo ku fana na swin’wani swiyimbeleri hikuva swilo hinkwaswo a swiri kusuhi na yena, DMS a nwinyi wa GC Media Group, khamphani leyi hi yona yi humelerisaka vunanga bya yena laha a ti chayeleka hi yexe.

“Ku fika sweswi ndzi na tinsimu tinharhu leti ndzi nga ti kandziyisa ku nga leti landzelaka: 1. Excuse me. 2. Mutshama Xitulu. 3. Mingeni koti magaza leyi ndzi nga tirha na xiyimbeleri xa ndhuma Penny Penny na Silver Boy. Vunanga bya mina byi kumeka eka internet, leswi swa ti CD swi hundzeriwe hi nkarhi naswona a swa ha vuyerisi swiyimbeleri hinkokwalaho ka piracy, Ku vula DMS Music. Tin’wani ta tinsimu ta kwe ti nghenile eka mphikizano wo lwela masagwadi eka MLFM Awards hi 2014 na le ka LIMA.

Ndzi navela leswaku vunanga bya mina byi tiveka misava hinkwayo eka malembe ya ntlhanu lama landzelaka. Kasi eka varhandzi na vaseketeri va DMS Music ndzi rhandza ku mitivisa leswaku ndzi na vuswikoti swinene eka swilo hinkwaswo swa media. Lava nga tsakela ku tihlanganisa na mina va nga endla tano hi ndzi lava eka ti social media leti landzelaka: Facebook, Twitter na Instagram va tirhisa vito ra DMS MUSIC SA hinkwako. Ku gimeta DMS Music.

Hi Winnie Hlungwani