Percyman Shut Down i xilombe xa Hip Hop

Percy Mzamani Manabele loyi a tiviwaka hi vito ra Percyman shut down eka swa vuyimbeleri, U velekiwile emugangeni wa ka Mahonisi handle ka doroba ra Malamulele. U sungurile tidyondzo ta yena exikolweni xale hansi xa Mahonisi Primary School laha a nga pasa kona ntangha ntlhanu, u yise tidyondzo ta yena emahlweni e xikolweni xa le henhla xa George Sonto high school, u sungurile Ku landzelela swa vunanga hi lembe ra 1999 laha a hlohloteriwa hi vunanga bya Brown dash na Mapaputsi, u kandziyisi alibamu ya kwe ya madyondza hi lembe ra 2010, ku fika sweswi u na ntlhanu wa tialibamu ku nga leti landzelaka: I love you Basani, Summer Time, Colour Block, Prosperity, Mrapper lowa Pantsula. Vunanga lebyi nga kandziyisa eVia Records hi voko ra vutshila ra DJ Patmesh a tlhela a va muhumelerisi wa byona.

“Vunanga bya mina byi kumeka eka mina eka nkarhi wa sweswi tanihi leswi ndzi muyimbeleri loyi a nga tiyimela kambe ndzi tirha hi matimba ku vona leswaku varhandzi na vaseketeri va vunanga bya mina va ta byi kuma hi ku olova eka nkarhi lowu taku, Ku vula Percyman Shut Down. Mintlhontlho leyi ndzi hlanganaka na yona eka nkarhi wa sweswi I ku tlangiwa emoyeni eka swiya ni moya leswi nkulu, ku tekeriwa ehansi eka vunanga hi swin’wani swa mintlhontlho leyi ndzi hlanganaka na yona tanihi muyimebeleri, i marito lama humaku enon’weni wa Percyman Shut Down

‘Leswi ndzi swi fikielela eka swa vuyimbeleri i ku va na va landzeri votala, na ku komba tinxaka timbe leswaku swa koteka ku yimbelela vunanga bya Hip Hop na Kwaito hi ririmi ra Xitsonga, sweswi na tinxaka leti n’wani ta tshemba leswaku leswi swa koteka, va tlhela va siketela na vunanga bya mina.
Ndzi ri eka varhandzi na vaseketeri va mina va languteli leswaku vunanga bya mina va ta byi kuma hi ku olova hinkwakwo lomu va nga kona, naswona va ta byi twa na lomu ka swi ya na moya. Ndzi ta tirha hi matimba ku vona leswaku leswi swa humelela hambi leswi ndzi tiyimelaka.

Loko mi tsakela ku tihlanganisa na mina hi bindzu ra vuyimbeleri, mi ndzi kuma eka Facebook: Percyman Shut down, Twitter: @percyman shutdown, Email: percyman3@gmail.com kasi hi ritlingo eka nomboro leyi: 073 133 0490. Inkomu!

Hi Winnie Hlungwani