Malamulele a Olela Masagwadi

Isaac hasani hlayiseka wo huma ehandle ka doroba raka Malamulele emugangeni wa ka Mtititi ePlange. Loyi a tiviwaka hi Malamulele the rapper eka swavuyimbeleri. U sungurile ti dyondzo ta yena epurayimari ya Phatima Primary School, Kusuka kona u yisile ti dyondzo ta yena emahlweni exikolweni xa le henhla xa Xitlhangoma high school, muyimbeleri loyi u sungurile Ku landzelela swa vunanga hi malembe ya 1990 laha a nhlonhloteriwa hi vunanga bya Tupac na The Notorious, a yimbelela eka swa vutshila na ndhavuko hi masiku ya kwe xa xikolo laha a nga tlhomiwa risiva hi xithifikhethi eka yin’wani ya mimphikizano leyi.

Hi lembe ra 2014, u kandziyisi alibamu ya yena yo sungula leyi nga siya votala va ti vutisa leswaku xana i mani Malamulele? Ku fika sweswi u na tialibamu tinharhu ku nga leti landzelaku: Matsonga Machangani, Tiko raka gaza na Dali murhandziwa. Vunanga bya Malamulele the rapper, byi kandziyisiweke eVia Records, byi humelerisa hi DJ Patmesh, muhumelerisi wa vuswikoti na ntokoto. Mintlhontlho leyi ndzi nga hlangana na yona loko gondzo ra mina ra ha sungula i pfumala macheleni, tani hi leswi swi lavaka macheleni ku kandziyisa vunanga. “Lama i marito lama huma ku enon’weni wa xiyimbeleri lexi xa ha ku olelaku masagwadi eka Giants Reefs Music Award.

Vunanga bya yena byi kumeka eka Internet na le ka yena nwinyi, u fikelele masagwadi mambirhi ku sukela loko a sungurile swa vunanga laha a nga hlula Best Hip Hop Song of the year lembe leri nga hundza na Best Hip Hop Music, mintlhontlho leyi ndzi hlanganaka na yona eka nkarhi wa sweswi i timhaka ta piracy, leswi hi tshova swirho hina swiyimbeleri. Kambe hambiswiriatano ndzi ta ya emahlweni na kandziyisa vunanga, hinkuva vunanga bya mina byi dyondzisa vantshwa nhlonipha na rihanyu lerinene.

U vula leswaku hi malembe ya ntlhanu lawa ya landzelaka u lava kuti kuma ari karhi a tiviwa hi matiko hinkwawo ya misava. Ku vula xiyimbeleri lexi xikwembu xi nga katekisa hi tinyiko to tala. Leswi varhandzi na vaseketeri va mina a va nga swi tiveku hi mina hi leswaku ndzi na nyiko yo tsala, hi lembe ra 2010 ndzi tsarile filimi kambe a yi se kandziyisiwa. Eka varhandzi ni vaseketeri va mina ndzi ba mandla ndzi vuyelela, ndzi Malamulele the rapper hinkokwalaho ka n’wina, a swive tano na mundzuku, ma swi tiva na n’wina Malamulele a nga sweka mbodza, ndzi le ku swekeni ka yin’wani alibamu yo hisa. Lava nga na ku tsakela ku tihlanganisa na mina hi swa bindzu ra vuyimbeleri va nga endla tano hi ku ndzi bela ritlingo eka nomboro leyi: 060 724 6520 kumbe eka email: malamuleletherapper@gmail.com kasi eka Facebook: Malamulele the rapper

Hi Winnie Hlungwani