Dyondzo

Himphela u manana wa ku humela
Ava hembi loko vaku i xitlangu xa vutomi
U sirhelela eka vusweti, mahlomulo wa ya misava leyi.
Himphela vusiwana a wu byi voni

Dyondzo masusa vusiwana, u rhukana maxangu!
Mana wa ntswamba na vulombe bya vutomi.
Dyondzo magudlha timborolo ta miehleketo,
U lota byongo byi kariha bya rihati!
Dyondzo wena mativa hinkwaswo

Dyondzo mina wa ndzi hlamarisa
U xihlovo xo pfepfelela vutivi.
Hambi vatswari va wena i va mani?
Swona u huma kwihi, na tintswalo swonghasi?

U nga va u ri n’wana Jan Van Riebiek?
Hi xikepe, a tamele na vuhlonga?
U nga u huma a Cape of Good Hope?
Kumbe u tile na malandza ya xikwembu,
Va tamarile buku ya vutomi

Dyondzo phela wa pfuna
Loko dyambu rixa hinkwerhu hi famba hi tshaha wena
Marha mbuyelo wa kona wa tsakisa
Hikuva hi an’wa vutivi etsheveni raku-u vutivi!

Hi Winnie Hlungwani.